مقياس الوعي العقلي:
دة مقياس بسيط جداً بيقيس هل عقلك متطور فكرياً ولا لأ، وإيه مدى تطوره.
تعليمات استخدام المقياس:
1. لا تنظر لمقياس الدرجات قبل الإجابة على الأسئلة وإلا تعتبر النتيجة خادعة.
2. الإجابة التي تختارها لا تعود لتعديلها قبل مرور 90 يوم على الإجابة الأولى.
3. برجاء عدم نقل المقياس إلا بالشير فقط حفاظاً على الملكية الفكرية.
4. الإجابة المثالية هي التي تخطر على بالك أولاً.
5. هذا مقياس مبدأي وليس نهائي، المقياس الأكاديمي الحقيقي حوالي 100 سؤال.
والآن مع المقياس:
1. أغلب الصفحات والحسابات التي تتابعها على وسائل التواصل الاجتماعي هي:
أ. صفحات الفنانين والرياضيين والنجوم.
ب- صفحات الأدباء.
جـ- صفحات ثقافة عامة.
د. صفحات متخصصة في مجال محدد أحبه أو أتخصص فيه.
2. عندما أتأخر عن موعد صباحي سبق أن اتفقت عليه غالباً يكون السبب:
أ. راحت عليا نومة.
ب- باخد وقت طويل في الاستعداد للخروج.
جـ- زحمة المواصلات.
د- مفيش عذر محدد ولا سبب واضح.
3. أغلب نشاطي على الفيسبوك:
أ- بنزل بوستات تعبر عن حزني وحالتي النفسية.
ب- بشير بوستات كتير من صفحات مختلفة.
جـ- بعمل لايكات وكومنتات للبوستات المفيدة عند الآخرين.
د- بكتب بوستات إبداعية من دماغي.
4. علاقتي بلعب الرياضة:
أ- ولا بتيجي على بالي.
ب- بكتفي بالفرجة على الماتشات اللي بيعجبني.
جـ- بلعب بس كل وفين وفين.
د- منتظم وأصنف إني رياضي.
5. وزني يعتبر:
أ- أزيد من المطلوب بأكتر من 10 كيلوجرام.
ب- وزني زايد عن المطلوب بأقل من 10 كيلوجرام.
جـ- أنا أصنف نحيف.
د- جسمي رياضي متناسق.
6. في خلال الـ 12 شهر الماضية قرأت خارج إطار دراستي وخارج إطار الروايات الأدبية:
أ- أكتر من 20 كتاب.
ب- من 10 إلى 19 كتاب.
جـ- أقل من 10 كتب.
د- أنا مش بتاع قراءة، مبقدرش أمسك كتاب.
7. لما بستعد للخروج استعدادي [لبس ومكياج وحلاقة الذقن... إلخ] بيستغرق مني:
أ- أكتر من ساعة.
ب- من 45 دقيقة إلى ساعة.
جـ- في حدود نص ساعة.
د- أقل من نص ساعة.
8. لما حبايبي يضغطوا عليا في طلب تقيل على قلبي ومش مهم اوي ليهم:
أ- دول حبايبي مينفعش اقولهم لا.
ب- بوافق واخترع اى حجج ازوغ بيها منهم.
جـ- باقولهم ربنا يسهل بس اعملوا حسابكم انى ممكن مقدرش.
د- برفض بشكل دبلوماسي مؤدب وميشغلنيش مين يزعل.
9. رأيي في أهل بيتي:
أ- مش بيحبوني وهمهم يخلصوا مني.
ب- بيحبوني بطريقة غلط مخليانا مش متفاهمين خالص.
جـ- بنحب بعض بس كل فترة يحصل سوء تفاهم.
د- متناغمين 99% من الوقت ومفيش مشكلة حقيقية في علاقتنا ببعض.
10. رأيي في دراستي الجامعية أو التخصصية:
أ- المواد التخصصية مستواها وحش والمواد الإضافية ملهاش لزمة.
ب- المواد التخصصية معقولة بس قديمة، والمواد الإضافية ملهاش لزمة.
جـ- ولا فارقة معايا انا كل همي الشهادة.
د- دراسة كويسة كبداية ولسة هكمل بشكل ما بعد التخرج.
11. بتتعصب كام مرة في الأسبوع غالباً:
أ- كتييييير.
ب- أكتر من 3 مرات في الأسبوع.
جـ- أقل من 3 مرات في الأسبوع.
د- مرة او اتنين في السنة.
12. لما دكتور بيطلب مني بحث:
أ- بنفض أصلا وقبلها بيومين بجيب أي كلام من عالنت.
ب- بروح لمكتب أبحاث يعمله واسلمه علطول.
جـ- بروح لمكتب أبحاث يعمله وانا اذاكره.
د- لازم اعمله بنفسي بالكامل حتى لو طلع مستواه مش كويس.
13. علاقتي بالغش في الامتحانات:
أ- دة مش غش، التعليم أصلاً بايظ فعادي يعني.
ب- مش كتير، بس لما بلاقي حاجة واقفة معايا او مع زمايلي.
جـ- نادراً، بس عملتها لما حسيت انى هشيل المادة.
د- استحالة طبعاً حتى لو شلت كل المواد.
14. لما الاقي فيديو متشير مكتوب عليه [شاهد قبل الحذف – شاهد فضيحة فلان – الرد على كذا]:
أ- بتفرج عليه عشان اعرف ايه بيحصل في الدنيا.
ب- بتفرج عليه لو في موضوع يهمني.
جـ- والله ساعات وساعات على حسب المزاج.
د- مبدأي محدد، مليش دعوة بالزيطة بتاعة النت.
15. لو انت لقيت صديق عمرك مقتنع بشخصية عامة انت مش مقتنع بيها خالص:
أ- بتحفل على صحبك وتسخر من الشخصية العامة.
ب- بتتعصب عليه.
جـ بتناقش أفكار الشخصية العامة بعقل وتفهمه.
د- مبتشغلش بالك وبكرة يفهم لما ينضج أكتر.
16. بينك وبين نفسك، حسيت انك حبيت حد من الجنس الاخر كام مرة خلال 12 شهر فاتوا بصرف النظر عن انك كلمته او لا او حتى انت متجوز ولا لأ:
أ- أكتر من 5 مرات [حتى لو سميته اعجاب بس فكرت فيه كشريك حياة].
ب- مرتين او تلاتة
جـ- ولا مرة انا مش فاضي للعب العيال دة.
د- مرة واحدة .
17. لو حبيت حد وفيه عيب كبير مضايقك:
أ- بتحاول تغيره بأي طريقة ودة مسبب لك قلق وتوتر.
ب- بتكلم في العيب دة كل ما يظهر قدامي.
جـ- انا مش طالبة معايا نكد وشدة أعصاب، بسيبه.
د- بتأقلم لفترة لا تقل عن 3 سنين قبل ما آخد أي قرار.
18. بتفتكر ربنا بقلبك امتى؟ يعني تحس بخشوع وذكر لله من قلبك اوي بصرف النظر عن التزامك بالفرائض:
أ- بصراحة حكاية القلب دي بعيدة عليا لسة.
ب- لما اقع في مصيبة كبيرة واحس انى مليش مخرج.
جـ- كل أسبوع او اتنين.
د- يوميا أو شبه يومياً.
19. صحابي ... هما صحابي عشان:
أ- معنديش غيرهم اخرج معاه.
ب- معرفش بقينا صحاب ازاي هي جت كدة.
جـ- احنا عشرة عمر، ومبقتش بفكر احنا صحاب ليه.
د- صحابي دول بيزقوني دايماً لقدام، واللي بينزلنى لتحت ببعد عنه فوراً.
20. لما تلاقي الفرق بين حلمك وامكانياتك كبير جداً:
أ- البلد دي عاوزة إما فلوس كتير او واسطة كتير، غير كدة كلام فارغ.
ب- ممكن احقق جزء من حلمي، لكن كله .. صعبة دي.
جـ- هركز على توفير الإمكانيات وبعد كدة هشتغل على حلمي.
د- انا كدة كدة هحقق حلمي، همشي في الطريق بيقين وقوة وانا واثق انى هوصل.
والآن مع حساب درجات المقياس:
* اعط لنفسك درجة واحدة عن كل إجابة برقم [ أ ]
* اعط لنفسك درجتين عن كل إجابة برقم [ب]
* اعط لنفسك ثلاث درجات عن كل إجابة برقم [جـ]
* اعط لنفسك أربعة درجات عن كل إجابة برقم [د]
مفتاح المقياس:
إذا كانت درجتك ما بين 20 – 39 درجة:
((( الوعي الضعيف )))
أنت لا تكتسب مهارات حياتية حقيقية، لا من واقع الحياة ولا من العلم الحديث، أن تعيش في حدود العالم المادي وعقلك ينهار يعشق الأمور التي يصنفها العلم أنها تافهة، وعيك ينهار كل يوم عن اليوم السابق له، أنت في مرحلة خطرة جداً ووجب عليك تغيير نظام حياتك فوراً، ويبدأ التغيير بتغيير طريقة تفكيرك في الأشياء، ادخل مثلاً على اليوتيوب وقم بتنزل كل ما تستطيعه من دورات حياتية لكبار المثقفين، واقرأ كثيراً كل ما يقع تحت يديك، وتدبر القرآن الكريم.
إذا كانت درجاتك بين 40 – 59 درجة:
((( الوعي الواقعي )))
وهو وعي سيء ولكنه أفضل من الوعي السابق، أنت تكتسب خبراتك ومهاراتك وطرق تفكيرك من البيئة المحيطة بك فقط، أنت عبد فكرياً واجتماعياً للمجتمع، فإذا ما تطور المجتمع تطورت أنت، وإذا ما انهار المجتمع انهرت أنت .. وهكذا.
عليك أن تنتظم بسرعة في دورات حقيقية لزيادة وعيك، اجعل في جدولك محاضرة يومياً تستمع لها وتطبقها، في أي مجال يعجبك، واعلم أن للحق جوانب متعددة في إطار الحياة الدنيا.
إذا كانت درجاتك بين 60 – 80 درجة:
((( الوعي المتقدم )))
أنت في مرحلة فكرية تسمح لك بالانطلاق، ولا يعطلك سوى انشغالك أحياناً برأي الناس فيك أو كلامهم عنك، لا تلتفت إلى أحد، أنت على الطريق الصحيح برغم أخطائك في الحياة، حافظ على وعيك واعلم أنه لا زال هناك المزيد من محطات الوعي لم يغطيها هذا المقياس، فاستمر على تطوير ذاتك بكل الطرق المتاحة.
اثبت إتمامك للمقياس بإنك تكتب درجتك في كومنت
___________________________
متنسوش مينشن للاصحابكم ودعوه حلوه وتنشرها لعلها تنفع حد محتاج لها
تابع الصفحه الرسميه على الينك دا https://www.facebook.com/moddrb/
والاكونت حسام دياب https://www.facebook.com/profile.php?id=1110661499
واعمل مشاهده اولا واترك تعليق ليصلك كل ما هو مفيد ويساعدك فى السير فى طريق النجاح والسعاده
تابع فيديوهاتى على اليوتيوب على القناه بتعتى على اليوتيوب على اللينك دا https://www.youtube.com/channel/UCUcnNyVz_8J_yIXRV4ba_BA/videos?view_as=subscriber…
#المدرب_حسام_دياب
