اصنع نجاحك وحياتك بنفسك

اصنع نجاحك وحياتك بنفسك

دائما كنت بسمع عن الناس الناجحه والناس اللى بتعيش الحياه اللى هيا بتتمناها وكنت دائما بفكر ازى انا كمان اصنع حياتى ونجاحى نفسى انجح نفسى اعيش الحياه اللى انا عايزها بس دائما بحس انى ضعيف وان ظروف الحياه وضغط الاهل اقوى منى ومكنتش عارف اعمل ايه واللى زاد الموضوع ضغط اكثر انى مكنتش ناجح فى دراستى وخلصت دبلوم وكانت الناس بتنظر ليا بقله وان مكانى الطبيعى قليل فى وسط ناس لا تؤمن غير بالشهادات ودائما بيشوفنى جاهل !!

كنت فى وسط الغوط دى ومكنشى حد جنبى ولا اهل ولا اصحاب كنت دائما لوحدى ببحث عن النجاح والسعاده اللى كنت بسمعها ووجد نفسى امام طريق من اثنين للاما استسلم واعيش حياه روتينيه عاديه جدا واشوفلى مهنه اتعلمها واعيش عليها واعمل زى اغلب او يكاد يكون كل الناس عملت كدا او الطريق التانى وهو الاصعب جدا جدا انى اكون مختلف واسير فى طريق مختلف واخرج عن الروتين

والصراحه الصراع كان بداخلى بين الاثنين لحد ما فى يوم من شده الذل والاهانه والظلم اللى عيشته وشوفته وشده الالم اللى حسيت به والنار المشتعله اللى كانت بداخلى انى اسلك الطريق التانى مهما كانت الصعاب مش هتكون زى اللى شوفته .

وبدأه الطريق ومشيت فيه وسعيت انى امشى بخطوات نحو صناعه حياتى اللى بتمناها ونجاحى والبدايه كانت كالاتى :

1- اعمل علشان اجيب فلوس

ايوه كان لازم اشتغل اى شغلانه اجيب منها فلوس علشان اصرف على نفسى ويبقا اول خطوه بالنسبه ليا انى يكون معايا فلوس امتلك بيها حياتى

2- احوش الفلوس ( ادخار )

كان لازم احوش فلوس علشان اقدر اعمل اللى انا عايزه وصدقونى انا كنت بحوش كل قرش كان بيجيلى وكنت بحرم نفسى من كل شىء حتى كيس الشبسى اللى كان نفسى فيه مكنتش بجيبه واصبر نفسى واقول اكيد هيجى اليوم اللى هجيب فيه كل اللى نفسى فيه

3- اتعلم

الفلوس اللى كنت بحوشها دى كنت اروح اخد بيها دورات فى الانجليزى والكمبيوتر والتنميه البشريه .

يمكن فى ناس شيفه ان الحاجات دى تضييع للفلوس انا مكنتش شيفها كدا كنت شيفها انى لما ادرسها واخد فيها شهادات هترفعنى علميا وفكريا وكمان هتثقلى السيره الذاتيه . ودا هيخلينى اجد شغل افضل وبمرتب اعلى

4- اختيار الشغل المناسب والوقت المناسب

كان عندى مهمه صعبه شويه وهى انى اختار الشغلانه اللى متخدشى منى يومى كله علشان اعرف اخد الكورسات دى وفعلا وجد فى سوبر مركت 8 ساعات وفى شغلانات تانيه 6 ساعات ودا كان فيه مصلحه ليا انى اخد الدورات اللى نفسى فيها واقدر اجد وقت ابحث عن شغل تانى

5- شغل تانى

كنت فى وقت محتاج فى لفلوس علشان اكمل فاضطريت انى اتوقف واشتغل بس المره دى اشتغل شغلانتين يجبولى دخل كويس كنت عارف انى هتعب جدا ولكن دا اهون بكتييييير من الذل اللى كنت بشوفه علشان اطلب من اهلى قرش وفعلا اشتغلت وكنت بحوش فتره كبيره سمحتلى انى اجمع قرش كويس

6- استخدم المتاح لك

الفلوس اللى حوشتها اشتريت بها كمبيوتر وركبت نت عندى ودا اللى كان متاح ليا وبالنسبه ليا كان ميزه كبيره لان دا كان بدايه ثروه علميه بعد كدا

7- العلم بدايه الطريق

لما اخذه الدورات وبالاخص التنميه البشريه وعرفتها حسيت انى عايز ادخل فيها بقوه وبعمق ووجد فيها نفسى وحسيت ان التنميه دى هى حسام نفسه بس ازى اكمل فيها وانا مكنشى معايا فلوس قليله وسعر الدورات غالى عليا وحتى الكتب كانت غاليه فوجد نفسى بستخدم النقطه السابقه اللى هى استخدم الامكانيات المتاحه لك ودا فعلا اللى حصل بدأت ابحث عن المقالات والمواضيع واللى فى المواقع والمنتديات ثم بعد كدا بدأت ابحث عن الكتب عن طريق النت واقرئها كنت سعيد جدا انى وجد الكتب دى وبدأه الطريق

8- القراءه والمعرفه

بدأه اقراء واجلس على الكتاب بال5 ساعات . مكنتش بحب القراءه ومكنتش اصلا بعرف اقراء والكلام كان كبير على فهمى وعقلى بس مستسلمتش وكنت مصمم انى افهم واتعلم

9- البدايه

والقراءه كانت نقطه بدايه ليا واكتشفت من القراءه ان كل حاجه كنت بعملها هى الطريق للنجاح ساعتها فرحت جدا وزاد عندى الحماس والتحدى انى اكوةن حاجه كبيره ومن هنا كانت البدايه للاسم المدرب الاستشارى حسام دياب

وانت او انتى فى ايدكم انتو كمان تصنعو حياتكم وتصنعو نجاحكم امشو بالخطوات اللى فاتت دى وصدقونى هتجدو نتائج مبهره

اتمنا انكم تطبقو الكلام دا وتقولولى ايه اللى حصل

وانتظرونى فى موضوع اخر ونكمل كلمنا عن النجاح وصناعه الحياه

♥♥♥

♥♥♥

♥♥♥

__________________________

متنسوش مينشن للاصحابكم ودعوه حلوه وتنشرها لعلها تنفع حد محتاج لها

تابع الصفحه الرسميه على الينك دا https://www.facebook.com/moddrb/

والاكونت حسام دياب https://www.facebook.com/profile.php?id=1110661499

واعمل مشاهده اولا واترك تعليق ليصلك كل ما هو مفيد ويساعدك فى السير فى طريق النجاح والسعاده

تابع فيديوهاتى على اليوتيوب على القناه بتعتى على اليوتيوب على اللينك دا https://www.youtube.com/channel/UCUcnNyVz_8J_yIXRV4ba_BA/videos?view_as=subscriber…

#المدرب_حسام_دياب

 

10 اشياء عليك ان تتجاوزها لتكون من الناجحين

10 أشياء عليك أن تتجاوزها لتكون من الناجحين

-

نجاحك مرهون بقدرتك على الإبداع و النجاح، فأفضل طريقة لعمل شيء جديد وجيّد في حياتنا هو إفساح المجال له، تماماً كإزالة الأشياء الغير ضرورية من المكتب أو المنزل، ومن وقت لآخر علينا التخلص من الأشياء التي تبعدنا عن طريق النجاح.

في السطور القادمة 10 أشياء عليك تجاوزها لتنجح.

1- التأجيل:

الكثير من الأشخاص يعشقون التسويف والتأجيل لأنهم كسالى، أو لأنهم يخشون من مهمة ما لأنهم غير متأكدين من نتائجها، ذكّر نفسك باستمرار أنك كلما شعرت بالخوف من مهمة ما كلما كانت هذه المهمة هامة لك ولمستقبلك وعليك التحضير لها والبدء بها مباشرة.

2- عدم الإيمان بمقدرتك على صنع النجاح:

عندما يكون لديك مشروع معيّن تعمل على تحقيقه قد يتكون لديك بعض الشكوك الداخلية بعدم قدرتك على فعل ذلك، وقد تشعر أن بعض الأمور أصبحت أكثر صعوبة ولن تنجح، ولكن إذا استسلمت لمثل هذه الأفكار الضعيفة فإنها ستصبح حقيقية بكل تأكيد!

عليك أن تؤمن بقدرتك على صنع التغيير والنجاح وأن تبتعد عن التفكير السلبي وآراء الآخرين السلبية حولك لأنه لو استمع كل فرد منا للنصائح السلبية للآخرين فلن يحدث أي تقدم أو تطور في هذا العالم.

3- الصحبة السيئة:

يتأثر كل شخص منّا بشكل كبير بالبيئة المحيطة به، فأنت متوسط الأشخاص الخمسة الذين تقضي معهم وقتك. لو كانوا ناجحين، ستكون مثلهم، لو كانوا محبطين منهزمين، فأنت مثلهم. لا تتردد أبداً في أن تقطع صلتك بمن يسحبك للوراء معه.

4- قلة التحفيز:

الدافع هو كل شيء، احرص دائماً على أن تستحضر وتتخيل أسباب رغبتك في النجاح.

5- عدم تخصيص الوقت المطلوب:

بعض الناس يعتقدون خطأً أنه يمكنهم أن يصبحوا من الناجحين من خلال العمل على شيء ما في أوقات الفراغ فقط، أو عندما يكونون في مزاج مناسب، ولكن للأسف، فالأمور لا تعمل بهذه الطريقة، ولا تجري بهذه البساطة، فلكي تكون ناجحاً يجب أن تكون لديك الرغبة للعمل على تحقيق أهدافك باستمرار، وليس عندما يكون الوقت مناسباً بالنسبة لك فق، ولكن في كل وقت، 24 ساعة في اليوم و 7 أيام في الأسبوع. فهي ليست وظيفة، بل نمط حياة.

6- تضييع الوقت:

الوقت محدود، وكل دقيقة تضيع هي فرصة مفقودة كان يمكنها تقريبك من هدفك وحلمك.

7- عدم وجود أهداف واضحة:

العديد من الأشخاص ليس لديهم أهداف أصلاً ولا يوجد هناك ما يدفعهم للعمل وبناء مستقبل ناجح لهم. اعمل على كتابة أهدافك الشخصية والمهنية على ورقة وضعها في مكان واضح يجعلك تقرأها يومياً.

8- الرضا بالقليل:

البعض من الناس عندما يحققون بعض أهدافهم يتوقفون ويقتنعون بما حققوه وما أنجزوه، لماذا تعتقد أنك لا تستحق الأفضل؟ ولماذا تكتفي بما أنجزته؟ عندما تحقق بعض الانجازات في حياتك ضع أهدافاً أعلى واجعل طموحك عالياً فما الذي ينقصك لتحقيقه؟

9- قلة الإرادة:

الأشخاص الأكثر نجاحاً هم الذين لايستسلمون أبداً وهم الأكثر إصراراً وإرادةً في الوصول إلى أهدافهم وأحلامهم.

10- الفشل:

الفشل هو مرحلة ضرورية يجب المرور بها قبل الوصول للنجاح، فكل فشكل هو عبارة عن درس عظيم بالغ الأهمية وهو نقطة هامة تفصل بين أولئك الذين حققوا أهم الانجازات في حياتهم، وبين أولئك الذين لم يفعلوا شيئاً.

♥♥♥

♥♥♥

♥♥♥

__________________________

متنسوش مينشن للاصحابكم ودعوه حلوه وتنشرها لعلها تنفع حد محتاج لها

تابع الصفحه الرسميه على الينك دا https://www.facebook.com/moddrb/

والاكونت حسام دياب https://www.facebook.com/profile.php?id=1110661499

واعمل مشاهده اولا واترك تعليق ليصلك كل ما هو مفيد ويساعدك فى السير فى طريق النجاح والسعاده

تابع فيديوهاتى على اليوتيوب على القناه بتعتى على اليوتيوب على اللينك دا https://www.youtube.com/channel/UCUcnNyVz_8J_yIXRV4ba_BA/videos?view_as=subscriber…

#المدرب_حسام_دياب