أنا بشوف اليومين دول ظاهرة منتشرة أووي ... ان الواحدة تبقا متجوزة ومعاها عيال وكمان متجوزة عن حب وتلاقيها بتخون جوزها مع واحد ضحك عليها بكلمتين حب وتريل بعد كدا بصي بقى كل واحدة تسمع الكلمتين دول كويس عشان بعد كدة منرجعش نعيط لان ده مصيبة كبيرة وطبعا السبب النت ومواقع التواصل الاجتماعى الى الناس بتستخدمه غلط ابن عمك ابن خالك ابن الجن الازرق
بعتلك
مساء الخير ، صباح الخير
ازيك عاملة ايه ؟
مش باينة ليه
طمنيني عنك
وحشتيني
هى بتبدأ كدا وتنتهى بموت ودمار وخراب بيوت
فتحتى باب للشيطان و هيخرب بيتك بعدها
مالك حزينه ليه
حاسس من كلامك انك متضايقة
طب احكيلى فضفضيلى
جوزك ضايقك
انتى لو مراتى مستحيل أسيبك لحظة 😏
ورا ابتسامتك الحلوة دى حاسس ان فيه حزن عميق
لاء حساس ياواد 🤔
حد قالك ان عينيكى حلوة
هتعملى ايه النهارده .. اكلتى .. فطرتى
ياحنين 🤨
صفحتك على الفيس حزينة اووى وكومنتاتك فيه شرود
اتغديتى 🤗
هسووورء من السهوكة 😒
طبعا انتي زي الهبلة وتلاقى قلبك خرج من جسمك ايه ده حاسس بيا وتلاقى نفسك بتفصفضى وتشكى مع ان هو ماله اصلا 🤔
هوب اتعلقتى بيه وبقيتوا صحاب ميعديش يوم غير لما تتكلمى معاه وانتى بتحكى معاه على انه صديق مع
انك من جواكى بتحبيه وعوزاه يجوزك
وخاينة وفى المعجم الوسيط لاتقولى بقا مشاعرى ولحظة شيطان .. انتى الى فتحتى للشيطان باب اول ماتلاقى واحد بعتلك كدا من غير حوارات ونقاشات بلوك علطول واللى يزعل يزعل حتى لوقريبك دي أصول ومبادئ ، أحسن ماتندمى فى الآخر وتبكي بدل الدموع دم
يابنت الاصول حافظى على بيتك مهما كان حالتك ، يا بنتي متدخليش أى راجل حياتك
لقيتى راجل بصلك بصه إعجاب عينك متترفعش ليه تانى انتى على ذمة راجل خليكى فى حلالك فى حضن جوزك اعملى الى انتى عوزاه
مش لما نقولك اعملى كدا تقولي بتكسف امال مبتكسفيش ليه من الرجالة الغريبة وهو الشيطان لازم يكرهكك فى جوزك وتبدأي تعملى طلباته بالعافية وانتى مش طايقاه وعقلك بيقارن بين الكلام الحلو والاهتمام بتاع الواد بتاعك وبين شحيبر جوزك وانتى شايفاه نايم بيشخر من التعب فى الشغل انما التانى قاعد صايع وهو متعود على كدا مع بنات كتير
بيوت كتير خربت بسبب العلاقات دي
جوزك اللي طالع عينه في شغله دا عشانك انتي مش لحد تاني و يارب ماحد يزعل من كلامي ☺
خليكي فاكره كلامي كويس .
اللهم استرنا فوق الأرض وتحت الأرض ويوم العرض .
اللهم آمين
♥♥♥
♥♥♥
__________________________
متنسوش مينشن للاصحابكم ودعوه حلوه وتنشرها لعلها تنفع حد محتاج لها
تابع الصفحه الرسميه على الينك دا https://www.facebook.com/moddrb/
والاكونت حسام دياب https://www.facebook.com/profile.php?id=1110661499
واعمل مشاهده اولا واترك تعليق ليصلك كل ما هو مفيد ويساعدك فى السير فى طريق النجاح والسعاده
تابع فيديوهاتى على اليوتيوب على القناه بتعتى على اليوتيوب على اللينك دا https://www.youtube.com/channel/UCUcnNyVz_8J_yIXRV4ba_BA/videos?view_as=subscriber…
#المدرب_حسام_دياب
ليست هناك تعليقات:
إرسال تعليق