"الكل شريف حتي تأتي العاهرة"
-اول مرة قريت المقولة دي ماكنتش فاهماها اوي وشوفت التشبيه صعب بس بعد خبرة لا بأس بها م الحياة قدرت افهم ان المقصود "انت شريف اذا لم تختبر مبادئك أمام شهواتك" ماكنش هيتعبر عنه بصورة احسن من دي!
انت مخلص ف الحب مادام هي مش ف ايدك ولا ضامنها
انت اخ جدع مادام لسه ماتجوزتش
انتِ صاحبة جدعة مادام لسه سينجل
انت صاحب جدع مادام ماعرفتش ناس جديدة
انت مُضحي مادام بره رغباتك وشهواتك
انت بار لاهلك مادام علي هواك
انت متواضع مادام لم يأتِ الاقل منك
انت خَلوق مادام بره حدود اوضتك
-كلنا بنبقي فاكرين اننا احسن من غيرنا وبنقعد ننتقد اللي بيحصل قدامناونعيب علي غيرنا لأننا في الغالب لسه متحطناش في نفس الموقف بنفس الدرجة
"ما لم تفعله وامتنعت عنه هو لفضل الله عليك لا لقوة منك".
"اغفروا الأخطاء وتغاضوا عن الذلات، زودوا الوصال وقت الضعف علشان تبقوا القوة وقت الحاجة للناس اللي بتحبوهم".
-اتعلموا ازاي تبقوا سند امتي تعاتبوا وامتي تحتووا بس
ماينفعش حد جايلك مخصوص تعد تقطم فيه هو عارف انه غلطان ومهبب الدنيا جاي لحد يحسسه انه مش خرم الاوزون يعني!
-وللناس ال ماشية تقول انا مستحيل اعمل زي فلان وماشية تتنطط انا عندي مبادئ وقيم
جيلكم م المستقبل وبقولكم هتعملوها وهيبقي شكلكم وحييييييييشششششش
اصل عمر م حد اتريق ع حد الا وعملها بعدين ،، مش هتجيبوا الديب من ديله يعني!
- بحب جدًا مقولة الحسن البصري عن الموضوع ده
"أدركت أقواماً لم تكن لهم عيوب فتكلموا في عيوب الناس فأحدث اللّه لهم عيوبا ،، وأدركت أقواماً كانت لهم عيوب فسكتوا عن عيوب الناس فستر اللّه عيوبهم"....
منقول
#المدرب_حسام_دياب