اخواتى واصدقائى واحبابى وتلاميذى السلام عليكم ورحمه الله وبركاته
اليوم انا عايز اتكلم عن موضوع مهم اوى الا وهو الانسان بين الحاله النفسيه والنجاح
طبعا الموضوع كبير جدا وان شاء الله هقسمه لعدد من المواضيع واليوم هتكلم عن اول جزء وهو ( الانسان وصناعه الحاله النفسيه )
مع الظروف الى الناس بتعشها حاليا فى مصر والوطن العربى سببت حاله من الاكتئاب والحزن والكسل والهموم والمشاكل وغيره كتير والابرز فى اسباب المشاكل النفسيه دى التربيه ومعامله الناس لبعضها حتى معامله الناس مع نفسها كثير من الشباب والبنات بيدخلو يكلمونى فى الفيس او فى الحقيقه وبيشتكو من الحاله النفسيه السيئه واغلبيه المشاكل دى بتيجى من تعامل الشخص مع نفسه
شوفو يا جماعه قبل ما اقول على حل المشاكل دى لزم تعرف حاجه مهمه جدا الا وهى ان ربنا لما خلق الانسان سخره كل شىء طوع امره حتى اعضاء جسمه ومنهم العقل المسؤال عن تحليل المعلومات والافكار وهو المسؤل عن الجسم وعن القلب الى هو منطقه المشاعر والاحاسيسه . طيب ازى بتتصنع الحاله النفسيه ؟
الحاله النفسيه بتأثر بجزئين داخلى وخارجى
الداخلى : الحاله النفسيه فى الجزء دا بتيجى من افكارى ومن حياتى
انا بتكلم مع نفسى ازى عن نفسى وعن حياتى ازى بفكر وهل تفكرى دا صح ولا غلط دا كله خطير جدا جدا لان اى حاجه بتقولها لنفسك العقل بيشغلك عليها علشان كدا فى حكمه قويه بتقول احترث من افكارك فنها سوف تحدد مصيرك
يا جماعه اوع حد يتكلم مع نفسه عن نفسه باسلوب سلبى او وحش زى ما تقول لنفسك انا ( فاشل - غبى - حمار - مش بفهم - مش واثق فى نفسى - خجول - مش بحب نفسى - مش بعرف اتكلم - مش هقدر اعمل حاجه - مش هنجح - الاحلام دى كبيره عليا - سىء - . الخ ) الكلام دا العقل بيشتغل عليه وبيطبقه على نفسه وبيبعت بيه اشارات عصبيه للجسم وللطاقه الكونيه تجبلك الحاله النفسيه دى انت مش الحاجات دى الانت الافضل والروعه والاقوى والانجح انت الحب والثقه والحياه الجميله ربنا خلق فيك دول لان دى الفطره الاصليه والسليمه الى فيك لزم يكون كلامك مع نفسك صح انت مش بتخدع نفسك واوعى تحكم على نفسك من مجرد فعل غلط عملته او تقول دى مش فيا كل حاجه فيك وكامله بس انت لزم تطلعها بره لزم تشتغل عليها صح قول لعقلك انى عايز ابرز الشخصيه الرائعه الى فيا الى فيها مواصفات كذا وكذا وكذا اوعى تتهم نفسك بالشر وافتكر دائما ان حالتك النفسيه من صنعك انت يوم ما بتتكلم مع نفسك بتجيلك والنبى قال ( تفألو بالخير تجدوه ) طول ما انت ببتكلم فى الخير وبالخير مع نفسك هتلاقيه العقل مش بيعرف يميز الحلو من الوحش هو بيطبق كل ما يملى عليه وهينجحك فى الى انت بتقوله سواء حلو او وحش افتكر دا كويس اوى
قوم الان من اللحظه دى من الثانيه الى بتقراء فيها كلامى دا واعرف انت افضل مخلوق خلقه الله خلقك بيده ونفخ فيك من روحه سخرلك كل ما فى الكون ليك انت علشانك انت النجاح اتخلق ليك علشان تنجح والجنه اتخلقت ليك علشان تدخلها وحياتك بتعتك انت انت الى تقدر تغير فيها كل حاجه ما انت كدا كدا عايش ما تعشها احسن حياه عشها بروعتها اعد مع نفسك كدا وخد نفس عميق واحمد ربنا ان لسه فيك نفس بيطلع ويدخل يعنى لسه فى امل لتغيير حالتك النفسيه الى الافضل قوم اللعب رياضه قوم هزر واضحك واستمتع بلحظات حياتك الى مش هتتعوض تانى ارمى الحزن قول كفايه بقا كل لحظه بتعدى عليا مش هتتعوض قوم بوس ايدك وروح للاهلك قولهم انا بحبكم اوى وابتسم فى وشهم قول لكل الناس انا مسامحكم ومسامح نفسى قبل ما اسامحكم وانا بحب نفسى وبحبكم اذا كان الجهله عندهم يوم بيحتفلو بيه بالحب احنا عندنا كل لحظه فى حياتنا بنحتفل بيها بالحب وبالسعاده لانها فعلا كدا سعيد انك لسه حى سعيد ان لسه عندك صحه وعافيه سعيد لان جالس بتقراء كلامى دا وبتتعلمه وبتنشره علشان الحب يسود الناس سعيد لانك هتنجح فى حياتك ان شاء الله سعيد انك بتأدى رسالتك سواء كنت متزوج او متزوجه او حتى خاطب او مخطوبه او اعذب لسه فى البدايه اصنع حلمك الان ومستقبل واتمتع كل لحظه من حياتك بصدق بجد وعلشان كدا اشهد الله انى احبكم كلكم فى الله ولحد ما اشوفكم فى الموضوع القادم
عيش كل لحظه كانها اخر لحظه فى حياتك عيش بالحب عيش بالايمان عيش بالكفاء والامل والعمل عيش بقتك بالله ثم فى نفسك عيش بالاحلام والطموحات وقدر قيمه الحياه
___________________________
متنسوش مينشن للاصحابكم ودعوه حلوه وتنشرها لعلها تنفع حد محتاج لها
تابع الصفحه الرسميه على الينك دا https://www.facebook.com/moddrb/
والاكونت حسام دياب https://www.facebook.com/profile.php?id=1110661499
واعمل مشاهده اولا واترك تعليق ليصلك كل ما هو مفيد ويساعدك فى السير فى طريق النجاح والسعاده
تابع فيديوهاتى على اليوتيوب على القناه بتعتى على اليوتيوب على اللينك دا https://www.youtube.com/channel/UCUcnNyVz_8J_yIXRV4ba_BA/videos?view_as=subscriber…
#المدرب_حسام_دياب
ليست هناك تعليقات:
إرسال تعليق