الاستسلام والسلبيه

الاستسلام والسلبيه

انا عارف ان الموضوع دا هيمس ناس كتييييييييير وكمان ناس بتعيش الحياه دى السلبيه والاستسلام يمكن علشان ظروف حياتها وحشه سواء كان نقص ف ى الفلوس او فى المشاعر او فى الصدق او حتى فى الصحبيه او بعد عن حبيب او ظلم وانكسار .

وانا بتكلم عن الموضوع دا بتصور الان التجارب الى عشتها والى قبلتها مع ناس وحتى تجارب الشخصيات الناجحه .

بتمر علينا اوقات الدنيا بضيق بينا وبنحس اننا مش قادرين نكمل فى الحياه وبنحس بانكسار بسبب التجارب الى احنا عشناها وبنعشها وبنحس اننا مليانين سلبيه وعايزين نستسلم لكل شىء ونسلم حياتنا للدنيا تعمل فينا زى ما هى عايزه وهنقول عادى مش فارقه ونقول خلاص احنا زهقنا وتعبنا من الحياه دى كلها مشاكل وازمات وتحديات صعبه اوى عليا وبالاخص لما تعيش فى مجتمع سلبى اصلا وهدام وبيكسر وبالاخص لو كنا بنات بنخاف من المستقبل المظلم والماضى الى عامل زى الاسد بيجرى ورانا وحتى الحاجه الى بنتمناها والى بنحبها بعيده عننا ومش بتيجى اصلا ومش عارفين نعمل ايه بجد وبنقول ايه الحل ؟؟؟

هل الحل فى اننا نموت نفسنا زى المغنيه داليدا ولا نروح للمخدرات على الاقل تنسينا وتموتنا زى مارلين منرو ؟؟؟؟؟

فى يوم من الايام كنت بعيش الحياه دى فعلا وكان الى بيمنعنى انى انتحر هو الدين زى الناس ما هى خيفه تموت علشان حرام كنت وحيد جدا واتظلمت كتييير وعشت ايام كتييير ويمكن سنين دموعى على المخده ومكنتش بنام من الى كنت فيه بجد وصدقونى لو هوصف الايام والساعات والدقائق والسنين دى على كلام الناس هقول ايام سوده وتدمير بجد

وانا فى الازمه دى والتحدى الرهيب دا وجد سؤال بيدور فى دماغى هو انا ليه فى الحاله دى ؟ ليه انا موجود فى الحياة دى ؟ ليه ربنا حطنى فى الازمات والتحديات دى الى كانت بيجى عليا لحظات كنت بصرخ باعلى صوتى واقول يااااااااااااااااااااااااااااااارب

فى وسط الاسئله الى كانت بدور فى دماغى والتدمير الى كان جوايا لقيت الجواب من شخص مكنتش اعرفه قبل كدا بيقول يمكن ربنا وضعك فى الظروف الى انت فيها دى علشان يعدك لشىء كبيييير وبيختبرك هل انت فعلا تستاهل الشىء دا ولا لا ؟ تعرفو انا لما سمعت الكلام دا انا حسيت كدا بالظبط انى فى عز الشتاء ومياة ثلج نزلت عليا !!

وقولت هو فعلا ممكن يكون كدا ؟ هو ممكن ربنا بيعدنى لشىء كبير ولازم امر بالازمات النفسيه والفكريه والجسديه دى ؟؟؟ يعنى الى كنت فاكره غضب من ربنا ممكن يكون خير ليا ؟؟؟؟؟ صدقونى لو قولتلكم انى ساعتها محستشى بنفسى غير انى بنهار من الدموع

وساعتها لقيت اصوت اكن شخص بيكلمنى وبيقولى لعله خير و مش كل حاجه انت عايزها فيها خير ليك . الكلام دا حسيت انه بينزل عليا كالصاعقه بجد وكنت ماشى فى يوم سمعت مثل وكانه بيكلمنى انا الضربه الى متموتنيش تقوينى

ساعاتها حسيت ان ربنا بيبعتلى الرسايل دى تعلمنى وتقولى هى دى الحياه كلها صعوبه وكلها ازمات وتحديات ولازم نمر بها بس المهم انك متستسلمشى بدأت ساعتها ابحث وادور ايه المفروض الى اعمله عايز حل وجد

علشان تمشى صح لازم

1- تفر الى الله : يعنى تجرى الى الله يعنى تروح لربنا يعنى تقوم تصلى وترفع ايدك بالدعاء يعنى تهز ابواب السماء قول زى سيدنا نوح ما قال ( ربى انى مغلوب فانتصر ) وثق ان ربنا سمعك وشيفك وهو الوحيد اللى هيكون جنبك وهيرفع عنك الى انت فيه

2- اى شىء يحصلك فى حياتك سواء خير او شر قول لعلة خير وصدقنى والله ممكن الشر الى انت شيفه يكون خير والخير الى انت شيفه يكون شر

3- اتعلم اسعى انك تتعلم اقراء فى كتب احضر دورات تدريبيه اسمع محاضرات ودروس على اليوتيوب ادرس دينك صدقنى انا اتعلمت كتييير من النت لان مكنشى معايا فلوس وهو الشىء الوحيد الى كنت املكه

4- خلى لنفسك طموحات واحلام واهداف مفيش حاجه اسمها على اد لحافك مد رجليك احلم وحط لنفسك اهداف كبيره

5- ابتدى اعرف كل شىء عن احلامك وعيشها وشوف احلامك

6- اسعى بكل قوتك انك تحققها

7- سد ودانك عن الناس والله الناس مش هتنفعك بشىء اذا خسرت او كسبت هما مشاهدين كدا كدا هيتكلمو سبهم يتكلمو واشتغل انت

8- طور من نفسك

9- اصبر وصدقى الصبر من اقوى الاسلحه الى خلتنى اوصل للى انا فيه اليوم واحد اسباب نجاح ناس كتييييييير مشهورين

10 - حب نفسك لانها تستحق الحب مهما حصل افضل حبها يكفى انها من خلق الله ومفيش انسان كامل غير النبى

11- ثق فى الله انه هيحققلك اهدافك واحلامك متنساش ان ربنا قالها فى حديث قدسى ( انا عند ظن عبدى بى )

12- لا تيأس ولا تستسلم خليك عنيد حاول مره واثنين وعشره وهتوصل ان شاء الله

13- افتكر انك مش لوحدك الى بتمر بازمات فى غيرك مرو بالاشد منك مهما وصلت من الشدائد

لو عملت بكل النقاط دى صدقنى هتخرج من الى انت فيه دا وهتشوف الحياه بشكل تانى وافضل وافتكر ان الحياه رحله بنعشها واكيد هنقابل فيها كل شىء بس المهم هنخرج بايه فى نهايه الرحله دى يا ترى سعاده ونجاح ولا حزن ودمار دا اختيارك

ومتنسنيش بالدعاء بعد ما تدعى لنفسك حسام دياب

___________________________

متنسوش مينشن للاصحابكم ودعوه حلوه وتنشرها لعلها تنفع حد محتاج لها

تابع الصفحه الرسميه على الينك دا https://www.facebook.com/moddrb/

والاكونت حسام دياب https://www.facebook.com/profile.php?id=1110661499

واعمل مشاهده اولا واترك تعليق ليصلك كل ما هو مفيد ويساعدك فى السير فى طريق النجاح والسعاده

تابع فيديوهاتى على اليوتيوب على القناه بتعتى على اليوتيوب على اللينك دا https://www.youtube.com/channel/UCUcnNyVz_8J_yIXRV4ba_BA/videos?view_as=subscriber…

#المدرب_حسام_دياب