الاستعداد لرمضان

وقف رسول الله قبل غزوة بدر ينادي فى المسلمين جميعا قوموا إلي جنة عرضها السموات والأرض

يعني عرضها اكبر من مليارات المجرات الكونية تخيل نصيبك فيها قد ايه ؟

اخواني ورمضان بيقترب وباقي عليه اسابيع قليلة بناديكم وبينادي على كل واحد الدنيا طحنته او معاصي السر أضلته او عايز ينطلق الي الله قوموا إلي جنة عرضها السموات والأرض

ارمي التمرات اللي فى ايدك لان اعظم لحظة فى حياتك خلاص اقتربت استعد لها ,اللحظة اللى هيتفتح فيها أبواب الجنة الثمانية، يا اخواني اللحظة دي كل واحد منكوا هيبقي فيها واحد من اتنين لإما ساعة ما هتتفتح أبواب الجنة الثمانية هتبقي انت لسه مكانك بعييييد ذنوبك بعداك وشهواتك بعداك .... أو أول ما الأبواب تتفتح ورمضان يبتدي هتطلع تجري وتجري مرة ذنب يوقعك ومرة شهوة توقعك على ما تقرب من أبواب الجنة يكون رمضان خلص خلاص ..

يدوبك شميت ريحة الجنة ...لأما واحد تاني هيبدأ من دلوقتي ينطلق إلي أبواب الجنة عشان لما ييجي رمضان يبقي واقف على أبواب الجنة أول ما تتفتح أبواب الجنة يدخل الجنة ....يعيش 30 يوم فى الجنة رمضان فى الجنة يبقي أحلي رمضان مر عليك فى حياتك

عشان كده درس الليلة نصيحة غالية أوي .... يامااا رمضانات ضاعت مني ومنكم عشان مفهمناش يعني ايه الاستعداد لرمضان .. درس الليلة يا اخواني فرصة لإنقاذ رمضان الجاي ... ممكن يكون اخر رمضان فى حياتك يبقي تستعد له صح💪 وتعيشه صح تبقي قابلت ربنا بأعظم عمل عملته فى حياتك✌

اخواني فى الله درس الليلة( ولو أرادو رمضان لأعدوا له عُده )، ماذا قبل رمضان ؟

درس الليلة معانا عناصر عشان تبقي النصيحة مُركزة بإذن الله سبحانه وتعالي :

↙ 1_ لما كل هذا الاستعداد الرهيب ؟ لما كل هذا الاستعداد الفاجر ؟ رمضان وأهل الباطل ....

.↙.2_رمضان ليس عصا سحرية

↙3_صفقه العمر

↙4_ولو أرادو رمضان لأعدو له عُده

↙.5_بعد رمضان تُكرم الأمه او تُهان

↙6_ماذا قبل رمضان ؟ البرنامج العملي قبل رمضان ؟

💧💧💧💧💧💧💧💧💧💧💧💧💧

🔆شَهْرُ: يعني رمضان شهر 30 يوم ، رمضان ده مش خُطبة الأمة هتسمعها وتخرج من الودن التانية 👂، ده شهر كامل ده فرصة مهولة للتغيير 💪، يعني رمضان ده الأمة كلها ممكن تتغير فيه وتخرج أمة من جديد ....وده اللي مرعوبين منه وده اللى ميقدروش يستحملوه✋

...🔅.( شَهْرُ رَمَضَانَ : رمضان من الرمضاء ، اللي بيحرق الشهوات من قلوب المسلمين ولما الشهوات تتحرق ، هنسوقهم بإيه ؟هنضيعهم بإيه ؟

🔆الَّذِيَ أُنزِلَ فِيهِ الْقُرْآنُ:القرآن ده كان البداية ، شهر رمضان ده البداية ، بداية كل مشهد حارق قلوبهم لحد دلوقتي

، بداية التربية ، بداية الحضارة ، الحضارة اللي كانت أعظم حضارة فى التاريخ👈 ، بداية الخلافة اللى هدت نص الباطل فى الأرض فى 25 سنة ،

بداية خيبر ، بداية الغزوات والفتوحات والقادسية واليرموك ، بداية مصعب وسلمان وعمار ، .

.رمضان ده البداية ، اللي لغاية دلوقتي بينفقوا المليارات ويبذلوا جهد ليل نهار عشان يموتوها فى الأمة

رمضان جاي تاني ، البداية دي جاية تاني ، الأمة دي ممكن تنطلق من رمضان وتطلع منه تاني ، رمضان ده فرصة ان الأمة دي تبدأ من جديد ، عرفتو ليه هما مرعوبين من رمضان ؟ ، عرفتوا ليه عاملين 4000 حلقة عشان الناس متلحقش تبص حواليها فى رمضان .....

🔆هُدًى لِّلنَّاسِ : يعني رمضان هيرجع الأمة على الطريق تاني ، ، هيعرفك الطريق الصح تاني

🔆وَبَيِّنَاتٍ مِّنَ الْهُدَى وَالْفُرْقَانِ: الفرقان يعني هينور لينا الطريق تاني ، هينور قلوبنا هيعرف الأمة مين عدوها ومين حبيبها ، هيعرف الأمة ايه الحق وايه الباطل

🔆فَمَن شَهِدَ مِنكُمُ الشَّهْرَ فَلْيَصُمْهُ ۖ : شهد يعني رمضان ده مشاهد ، مشاهد بتتحفر فى القلب حفر ، ،يعني التغيير الحقيقي داخل القلوب هيحصل ،وهما يموتوا لو القلوب اتغيرت ، ،

🔆فَلْيَصُمْه : الصوم أصلا جاي بمعني الامتناع يعني الأمة هتقدر تمتنع عن المعاصي

، يعني الأمة هتقدر تقول للشهوات لأ ، يعني الشباب هيقدر يقول للمخدرات لأ ، يعني البنات هتقدر تقول للتبرج لأ ، ولما الأمة تقدر تقول للمعاصي لأ هنسوقها بإيه ؟

🔆وَمَن كَانَ مَرِيضاً أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ : بكم الباء هنا باء الملامسة يعني ربنا يريد ان اليسر يلامس كل حاجة فى حياتكم ، يبقي الجواز سهل، يبقي الرزق سهل ، يبقي لقاء ربنا والموت سهل ، سهل يعني بدون نزع روح شديدة من الأجسام ، يبقي الدين سهل ، يبقي الالتزام سهل

دلوقتي ياجماعة العسر هو اللى ملازم للأمة ، الجواز صعب ، الرزق صعب ، ان شاء يلتزم ده بطلوع الروح ، ان ملتزم يتربي ويبقي داعية صعب ، ان واحد يعرف دينه صعب ، حتي الدعوه بقت صعبة على الدعاة ، لانهم بيتعاملو مع ناس مش عايزة تقرب من دين ربنا

يبقي ربنا لما يقول أن رمضان ده وش الخير ، رمضان ده بداية اليسر على الأمة ، بداية كل حاجة صح يبقي يترعبوا ولا لأأ ؟

?

?وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْ::تكبروا الله دي كلمة نصر فى معركة ، يعني رمضان لما ييجي وتلاقي نفسك 30 يوم بتصلي وبتصوم وبتقوم وعايش مع أيات ربنا ، تحس انك اتميت المهام اللي ربنا كلفك بيها فيه👈 (وَإِذِ ابْتَلَىٰ إِبْرَاهِيمَ رَبُّهُ بِكَلِمَاتٍ فَأَتَمَّهُنَّ) ساعتها قول الله أكبر ، أصل انت مش عارف إبليس طلعت روحه قد ايه عشان رمضان ده الأمة متعرفش تنتفع بيه ، انت مش عارف الشياطين👹 من ساعة ما اتفكت سلسلتهم مبيناموش ازاي 11 شهر عشان الشهر ده ، انت مش عارف دي بالنسبالهم معركة قد ايه

، رمضان ده أخطر معركة فى حياة الأمة ، المحور فى حياة الأمة ، لو رمضان جيه صح احنا انتصرنا على إبليس وعلى أهل الباطل ،

🔆وَلَعَلَّكُمْ تَشْكُرُونَ : دي الكلمة اللى قالها إبليس لربنا ،وَلَا تَجِدُ أَكْثَرَهُمْ شَاكِرِينَ" هنسيهم عملتلهم ايه .....

#لو_أرادوا_رمضان_لأعدوا_له_عدة

((واذا سألك عبادى عنى فإنى قريب))

https://youtu.be/49TuMpBSeck

___________________________

متنسوش مينشن للاصحابكم ودعوه حلوه وتنشرها لعلها تنفع حد محتاج لها

تابع الصفحه الرسميه على الينك دا https://www.facebook.com/moddrb/

والاكونت حسام دياب https://www.facebook.com/profile.php?id=1110661499

واعمل مشاهده اولا واترك تعليق ليصلك كل ما هو مفيد ويساعدك فى السير فى طريق النجاح والسعاده

تابع فيديوهاتى على اليوتيوب على القناه بتعتى على اليوتيوب على اللينك دا https://www.youtube.com/channel/UCUcnNyVz_8J_yIXRV4ba_BA/videos?view_as=subscriber…

#المدرب_حسام_دياب