السلام عليكم
اليوم انا هتكلم فى مشكله الشباب هحاول اجمع بعض المشاكل اللى بتقابل الشباب فى موضوع واحد وان شاء الله ربنا يوفقنى واقدر احل معاكم المشاكل دى ونحاول كلنا نطبقها على نفسنا قبل ما ننصح بها حد وننشرها فى كل مكان بقدر المستطاع
المشاكل الى بتقبلنا فى حياتنا كتيير اوى واكتر شريحه بتقابل نسبه مشاكل عاليه هى الشباب مشاكل الشباب كتيره والشباب حاليا بين ضايع وبين متحير وبين مش عارف هو عايز يروح فين وفى ناس مش فى مشاكل مش عارفين حلول ليها واكثر المشاكل دى حسب ما شوفت وقبلت وحضرتكم طرحتوها هى ( وقت فراغ كبير - مفيش هدف - احباط مستمر - حسد وغيره - تشائم - ضياع متعه الحياه - وهم الحب - جهل شديد )
للاسف الى بشوفه اليوم من وقت فراغ كبير ان الشباب مش عنده هدف واضح وفيهم الى مش عنده هدف اصلا ودا بيخليهم دائما عايشين فى حاله احباط وتشائم وفقدين متعه الحياه وللاسف بيهربو دائم بحاجه اسمها الحب ومن السهل يضحك عليهم لانهم جهله بحاجات كتير فى الدنيا دى ولما يشوفو شخص ناجح يحسدوه ويقولو عليه دا محظوظ
طيب والحل ايه فى المشاكل دى
لزم نصنع اهداف لنفسنا اهداف كبيره ومنضعشى سقف للاهداف دى احلم وضع اهداف بجد نكتبها لزم يكون الاهداف دى فيها
1- اهداف شخصيه : اهداف ليك انت تنفع بها نفسك وتحقق بيها ذاتك
2- اهداف اسريه : ضع اهداف للبيت الى انت عايش فيه خلي اهلك يفتخرو بيك وتساعدهم هما كمان يكون عندهم اهداف
3- اهداف تنفع بها المجتمع بتاعك
اكتب كل الاهداف دى مفيش حاجه اسمها ( على اد لحافك مد رجليك ) لو على المنطق دا مكنشى عظماء كتيير نجحو وبقو عظماء سيبك من الكلام دا
استثمر وقتك وحط تحت الجمله دى مليون خط
مين عايز يكون مليونير ؟
مين عايز يعيش سعيد ؟
والاجابه على الاسئله دى وغيرها كتير ممكن انت تسألها كشاب سواء ولد او بنت الحل
استثمر وقتك من الان
كام واحد فكر ينظم وقته ؟
كام واحد فكر انه يبتدى من الان وينزل يشتغل ويعتمد على نفسه ؟
كام واحد فكر يحضر دورات سواء فى التنميه البشريه او الموارد البشريه ويسعى لتطبقها ؟
كام واحد فكر انه يحوش جزء من مصروفه ويكون ثروه ؟
كام واحد فى يومه يعد يقراء ويتعلم من الكتب ؟
كام واحد بدأ ياخد خبرات فى الحياه وسنه صغير ؟
صدقونى الوقت هو الحياه الى بنعشها هو الاستثمار الامثل لحياتنا
خلى وقتك فيه ( جزء تتعلم فيه ولو معلومه مفيده يوميا - اقراء كتب - ادرس كويس - نام كويس - اللعب رياضه يوميا - ولو ممكن تشتغل اشتغل وحوش من مصروفك -ساعد فى البيت - اعمل جزء للاصحابك - جزء للعب ) اعمل توازن فى دول صدقنى والله العظيم حياتك هتتغير
نصيحه منى ( دائما اجلس مع ناس ناجحه فى حياتها ) ( اختر اصحابك بعنايه )
اوعى فى يوم ترمى ودانك لكلام الناس كل واحد بيشوف من حياته هو الى هى نتيجه افكاره انت ليك افكارك وحياتك واصنع مستقبلك انت بايدك صدقنى الى دائما مشغول فباهدافه وبنفسه عمره ما هيلاقى وقت يسمع لكلام الناس المحبطين مضيعشى وقتك بكلام وهم زى الحب قبل الزواج لان لا يوجد حب قبل الزواج ودا كلام علماء مش كلامى فكر واتعلم ازى تبنى نفسك وتختار شريك حياتك بجد فى احصائيات كارثيه بمعنى الكلمه بسبب الموضوع دا ( 50 % من المتزوجين بيطلقو و35 % منهم بيطلقو من سنه ل3 سنين ) اتخيلو !!!!
لزم نتعلم ولزم نعرف ازى نختار حياتنا ونختار شريك حياتنا بجد ونخلى بالنا مشاعر الناس مش لعبه
وافضل دائما متفائل وصدقنى فى امل طول ما فينا الروح قال رسول الله ( تفائلو بالخير تجدوه ) وقال ايضا عن الله ( انا عند حسن ظن عبدى بى ان كان خيرا فخيرا وان كان شرا فشرا ) يا ترى ظنك بربنا ايه ؟
خلى بالك الدنيا فى تغير مستمر ومفيش حاجه اسمها مستحيل
لوثر كنج بقا رئيس الولايات المتحده فى زمان اتقال عليه مستحيل اسود يكون رئيس
كنتاكى بقا من اغنى الناس فى العالم وعمره يزيد عن 60 سنه
مارى كورى مستحيل كانت تنجح فى حياتها اخذه جائزه نوبل مرتين
هيلين كيلر اتقال عليها مستحيل انها تنجح وهى صماء وخرصاء وعمياء بقيت من اقوى المحفين فى العالم
توماس اديسون اتقال عليه اغبى طفل فى المدرسه واطرد منها مسجل فى التاريخ 1015 وفى كتب قالت 2000 اختراع
انشتاين لحد سن 10 سنين كان لا يتحدث واتقال عليه غبى وفاشل اخترع النظريه النسبيه
وغيرهم كتييييييييير كانو اسوء حال منك ومنى ومن شاب وبنات كتيير ونجحو فى ازمان صعب النجاح فيها
اليوم عندنا وسائل كتيييييييير للنجاح وكسر كل الحواجز ليه مش بنشوفها ؟ ليه مش بنستخدمها صح ؟
السؤال المهم بقا
يا ترى هتفضل على حالك كدا ؟
يا ترى قررت انك تكون ضمن العظماء ولا لا ؟
ايه هى بصمتك فى الدنيا ؟
يا ترى لما تقف امام الله يوم القيامه على رؤس الخلائق هتقول ايه لربنا لما يسألك عن حياتك ؟؟؟؟؟
يا ريت تجاوب على الاسئله دى
__________________________
متنسوش مينشن للاصحابكم ودعوه حلوه وتنشرها لعلها تنفع حد محتاج لها
تابع الصفحه الرسميه على الينك دا https://www.facebook.com/moddrb/
والاكونت حسام دياب https://www.facebook.com/profile.php?id=1110661499
واعمل مشاهده اولا واترك تعليق ليصلك كل ما هو مفيد ويساعدك فى السير فى طريق النجاح والسعاده
تابع فيديوهاتى على اليوتيوب على القناه بتعتى على اليوتيوب على اللينك دا https://www.youtube.com/channel/UCUcnNyVz_8J_yIXRV4ba_BA/videos?view_as=subscriber…
#المدرب_حسام_دياب
ليست هناك تعليقات:
إرسال تعليق